ਅੰਮ੍ਰਿਤਸਰ ਦੇ ਖਾਈ ਮੁਹੱਲੇ ਵਿਚ ਨੋਜਵਾਨ ਨੂੰ ਪੈਟ੍ਰੋਲ ਨਾਲ ਫੂਕਣ ਦਾ ਮਾਮਲਾ ਆਇਆ ਸਾਹਮਣੇ

ਅੰਮ੍ਰਿਤਸਰ:- ਮਾਮਲਾ ਅੰਮ੍ਰਿਤਸਰ ਦੇ ਥਾਣਾ ਗੇਟ ਹਕੀਮਾ ਤੋ ਸਾਹਮਣੇ ਆਇਆ ਹੈ ਜਿਥੋ ਦੇ ਰਹਿਣ ਵਾਲੇ ਲੱਕੀ ਨਾਮ ਦੇ ਨੋਜਵਾਨ ਨੂੰ ਉਸਦੇ ਇਲਾਕੇ ਦੇ ਹੀ ਵਿਅਕਤੀ ਵਲੋਂ ਪੈਟ੍ਰੋਲ ਪਾ ਕੇ ਸਾੜਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜਿਸ ਸੰਬਧੀ ਨੋਜਵਾਨ ਨੂੰ ਹਸਪਤਾਲ ਦਾਖਿਲ ਕਰਵਾਇਆ ਗਿਆ ਹੈ ਜਿਥੇ ਮੌਕੇ ਤੇ ਪਹੁੰਚੀ ਪੁਲਿਸ ਵਲੋ ਜਾਂਚ ਸ਼ੁਰੂ ਕਰ ਦਿਤੀ ਗਈ ਹੈ।

ਇਸ ਸੰਬਧੀ ਜਾਣਕਾਰੀ ਦਿੰਦਿਆ ਪੀੜਤ ਨੋਜਵਾਨ ਲੱਕੀ ਅਤੇ ਉਸਦੀ ਭੈਣ ਪੂਜਾ ਨੇ ਦੱਸਿਆ ਕਿ ਉਹਨਾ ਦੇ ਮਾਤਾ ਪਿਤਾ ਇਸ ਦੁਨੀਆ ਵਿਚ ਨਹੀ ਹਨ ਅਤੇ ਉਹ ਬੜੀ ਮੁਸ਼ਕਿਲ ਨਾਲ ਆਪਣਾ ਗੁਜਾਰਾ ਕਰ ਰਹੇ ਹਨ ਪਰ ਇਲਾਕੇ ਦੇ ਹੀ ਇਕ ਨੋਜਵਾਨ ਵਲੋ ਉਹਨਾ ਦੇ ਭਰਾ ਨਾਲ ਬਾਰ ਬਾਰ ਕੁਟਮਾਰ ਕੀਤੀ ਜਾਂਦੀ ਹੈ ਅਤੇ ਇਸ ਵਾਰ ਦਾ ਹੱਦ ਹੀ ਹੋ ਗਈ ਜਦੋ ਉਸ ਨੋਜਵਾਨ ਨੇ ਲਕੀ ਉਪਰ ਪੈਟ੍ਰੋਲ ਛਿੜਕ ਉਸਨੂੰ ਜਿੰਦਾ ਜਲਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਅਤੇ ਉਸਨੂੰ ਅਧ ਸੜੀ ਹਾਲਤ ਵਿਚ ਹਸਪਤਾਲ ਦਾਖਿਲ ਕਰਵਾਇਆ ਗਿਆ ਹੈ ਅਤੇ ਉਹਨਾ ਪੁਲਿਸ ਪ੍ਰਸ਼ਾਸ਼ਨ ਕੋਲੋਂ ਇਨਸਾਫ ਦੀ ਮੰਗ ਕਰਦਿਆ ਦੋਸ਼ੀ ਵਿਅਕਤੀ ਤੇ ਕਾਨੂੰਨੀ ਕਾਰਵਾਈ ਕਰਨ ਦੀ ਗਲ ਆਖੀ ਹੈ।

ਇਸ ਸੰਬਧੀ ਮੌਕੇ ਤੇ ਮੋਜੂਦ ਪੁਲਿਸ ਮੁਲਾਜਮ ਦਾ ਕਹਿਣਾ ਹੈ ਕਿ ਫਿਲਹਾਲ ਲਕੀ ਨਾਮਕ ਯੁਵਕ ਜੋ ਕਿ ਕਾਫੀ ਹਦ ਤਕ ਸੜੀਆ ਹੈ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ ਬਾਕੀ ਜਾਂਚ ਲਈ ਥਾਣੇ ਵਿਚ ਕਾਰਵਾਈ ਹੋਵੇਗੀ।